Жәңгір хан атындағы Батыс Қазақстан аграрлық-техникалық университетіндегі «Әскери кафедраны» тәмамдаған білім алушылар әскери ант қабылдауда.
«Запастағы сержант» шені бойынша бір жыл білім алған 147 студент әскери ант қабылдады. Салтанатты шараға университеттің тәрбие және әлеуметтік жұмыстар жөніндегі проректоры Ақылбек Сұлтанов, Ауған соғысының ардагерлері және ата-аналар қатысты.
Сонымен қатар кафедрада «запастағы офицер» шені бойынша екі жыл білім алған 154 студент те оқу курстарын биыл тәмамдайды. Жалпы Жәңгір хан университетіндегі «Әскери кафедра» алты мамандық бойынша запастағы офицерлер мен запастағы сержанттарды даярлайды.
Еске сала кетсек, осы маусым айында «Әскери кафедра» қосымша әскери білім алуға ниетті жоғары оқу орындарының студенттерін қабылдайды. БҚАТУ-дан басқа Махамбет Өтемісов атындағы БҚУ мен Батыс Қазақстан инновациялық-технологиялық университетінің студенттері іріктеу сынағына қатыса алады.
БҚАТУ медиа орталығы
